វេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អណត្តិទី៣ ឆ្នាំ២០២២ ក្នុងស្រុករមាសហែក

នាព្រឹកថ្ងៃចន្ទ៥កេីត​ ខែមិគសិរ​ ឆ្នាំខាល ចត្វាស័ក ព.ស ២៥៦៦ ត្រូវនឹងថៃ្ងទី២៨ ខែវិច្ឆិកា ឆ្នាំ២០២២នេះ រដ្ឋបាលខេត្តស្វាយរៀងបានរៀបចំវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អណត្តិទី៣ ឆ្នាំ២០២២ ក្រោមអធិបតីភាពឯកឧត្តម​ រស់​ ឆាយ​ សមាជិកក្រុមប្រឹក្សាខេត្ត​ស្វាយរៀង តំណាងឯកឧត្តម​ ជុំ​ ហាត ប្រធានក្រុមប្រឹក្សាខេត្ត និងឯកឧត្តម​ សុខា​ រ៉ាម​ អភិបាលរងខេត្ត តំណាងឯកឧត្តម​ ម៉ែន​ វិបុល​ អភិបាលខេត្ត​ ដែលប្រព្រឹតទៅនៅបរិវេណសាលាស្រុករមាសហែក។ វេទិការនេះមានការអញ្ជើញចូលរួមពីសំណាក់​ ឯកឧត្តម លោកជំទាវ ជាសមាជិកក្រុមប្រឹក្សាខេត្ត សមាជិកក្រុមប្រឹក្សាស្រុក​ គណៈអភិបាលស្រុក កងកម្លាំងប្រដាប់អាវុធទាំងបី​ លោក​ លោកស្រី​ មេឃុំ លោក លោកស្រី ជាប្រធានមន្ទីរ-អង្គភាពជុំវិញខេត្ត មន្រ្តីរាជការ អាជ្ញាធរមូលដ្ឋាន និងបងប្អូនប្រជាពលរដ្ឋយ៉ាងច្រើនកុះករចូលរួមក្នុងវេទិការដ៏មានសារៈសំខាន់នេះ។